經過路德圍、又新街街頭，總會見到視線同頭頂以上會有一大陣油煙吹出，小店門口又勁多人等緊，凍凍地嘅天氣，PND又突然想食串唦嗲。
唔，呢度串燒種類都唔少，一般嘅雞、豬、牛、羊、腸、海鮮、丸等都有，為咗應付人流，小店嘅串燒都係煮熟咗再返燒，所以略嫌唔夠脆口、火喉唔足，於是呢度就以原味唦嗲汁同辣辣唦嗲汁而非燒烤功夫做主打！點完串燒後，都要等10分鐘先有得食！
要咗串不敗嘅《燒豬頸肉串》$12 成串都染到橙紅色😂，入口唦嗲汁幾甜，似係用咗少少鬆肉粉令到肉質淋淋爽爽，起碼唔會實，咬一咬，好彩不缺肉汁，而且燒得係幾香嘅，唦嗲汁比較稀，但非常惹味，帶陣陣花生味，不過潮友唔食得辣就食原味啦，溫馨提示呢度少辣已經有五級辣，勁刺激，啱辣嘅潮友就隨心挑戰啦！
串皇
Mon-Sun 12:00-01:30
#PND元朗 #PND燒烤 #PND港式 #PND小食
@元朗阜財街2號宏豐大廈地下11D舖
Search